小更新

話說今年堅是無乜點寫 blog，直到有一日有間 PR agency 打嚟問我攞blog的瀏覽數據（又唔係話專登要收埋，但都無乜必要攤出嚟啦），先發覺原來今年平均一個月都無一篇... （well... 連 blogger 個 backend 轉晒都唔覺囉）

當然扮忙總有理由，今年公司多咗job做，年度 project Quru 又比我想像中佔時間（本來諗住兩個月做起，結果因為各種原因拖咗半年）。但又唔知死走去學人玩網台（以前做過另一個網台節目，為期雖然長，但因為講嘅嘢係自己本行，而且準備功夫都係其他主持搞掂），又食多咗時間。

做Quru到現在（iPhone 版已出街，WP7 版都八八九九），再一次親身經歷要推一個新 app 已經比早一兩年難得多。「我哋呢啲細公司」，實在是無雄厚資本去四圍做宣傳，而偏偏今次就係必需要好多人用先會成功。於是整個十一二月都喺灰心之中度過...

Anyway如果今次個 app 爆唔起，我諗我下年就算再有新橋都未必會再實行。