有關寫 apps

是咁的，近來實在見到太多報紙雜誌報導一啲寫 apps 嘅人或者公司，而又不約而同地提及呢類人好好搵，或者呢類公司請咗好多人。我並不反對呢排寫 apps 的確係大熱，但對報導中嘅數字我有保留。

舉個例，早排有報章報導某寫apps的公司有廿個人，然後上星期又有另一篇報導指一間新成立嘅apps公司請咗三十人。作為指標數字，一間行內有名嘅跨國寫apps公司，成條 development team 連埋designer同creative都不過係三十人。除非你公司生意好得過佢又或者你同呢間跨國公司一樣背後有財團支持，否則簡單計條數，請二十至三十個人究竟每個月要燒幾多錢？而巿價寫一個iPhone app又可以收到幾多錢？我自問作為行內一員，實在係佩服呢兩間公司嘅賺錢以及生存能力。

都係嗰句，有人寫apps會發達，但寫apps並不一定會發達。傳媒將寫apps吹捧為生金蛋嘅行業係一件事，但如果想投身呢個行業就請唔好盡信表面見到嘅數字。