經濟好咗，唔係應該員工寸咗咩？點解反而係公司寸咗呢？繼我上次收到 GM 嘅 E-Mail 之後，今日又輪到蓋依米薯收到通告。
其實兩封 E-Mail 最大嘅問題都係，點解 OT 你就唔補足，但遲到就要我硬食呢？早排 Gideon 話，如果你當初應承咗你老闆以某個價錢為佢做事，咁就唔應該返工之後再扭屎忽花。但係呢，老闆們請你睇清楚你訂嗰份顧傭合約，入面寫明我係返九放五，一日放遲係幫你捱義氣，日日放遲就係你單方面更改合約內容喇！
至於 Compensation Leave 呢，我覺得大家公道少少啦，我 OT 咗幾多個鐘，第日我遲返幾多個鐘咪算囉。好似我公司條八婆咁取消晒所有人嘅 Comp. Leave，又或者好似蓋依米薯咁數到足，咪盞人人同你算死草，明明淨係要做三個鐘嘢都同你坐夠四個鐘囉！無效率又浪費金錢嗰個咪又係你自己，係咪先！
Update (3/3/2007 19:38):
連阿蘇兒都話佢公司連 JobsDB 都 block 埋，你話呢個乜Ｘ嘢世界吖！
8 意見:
haha, 我返而家呢間公司頭兩個星期，
試過比阿head捉入房，
話我「太準時收工」，
又「無一日九點前，即係八點XX返到公司」。
以及
「跟據你o既職位同人工呢，
會expect你做多少少、
平時收工可以做耐少少」
佢真係發緊夢，唔知自己講緊乜=0=
「咁如果我升多兩個 grade 係咪要清晨兩點返屋企，然後五點再返工？」
@@..
佢想話我人工貴姐...
之但係，我開價佢嫌貴咪唔好請lor，
簽完contract firm左呢個價錢呢個工時，
又諗住可以get more from it...妖
做就唔好怨，怨就唔好做。
所以，搵工啦。
我公司有位較高層的同事死了, 有幾位高層就組成了治喪委員會. 其中有一位治喪委員會的高層意然想到叫他的手下們將份 Bonus 的一部份捐出來做帛金.
大佬, 你唔係連做帛金都要鬥多呀? 點解只係叫你d手下這樣捐先? 做野就話要 delegation, 唔係連帛金都要呀????
雖然以我們這些卒仔的人工計, 金額應該不是很高. 但就真的很有老屈的感覺. 老實講, 我相信很多被屈的同事連死了邊個都未知.
今日高層死了就話要酬50萬, 如果有日是d卒仔死了, 公司又會為我地做什麼先? 之前, 上海不是都有人死了嗎? 又唔見有人出來話有酬幾多.....
不過講真, 我 Leader 應該重慘. 捐多d不在話下, 還要夾有高層同我呢d卒仔中間...
就快要跑啦. 依家心情有d緊張. 一時又瞓唔返.
根本有好多人都根深柢固咁認為OT係正常。
就好似我同你都識既某D網友咁。
員工都係咁諗，我係老細都扯盡你了。
不過扯遠扯，都應該有返少少良心，
扯人既同時遲十分鐘都計足，
佢當個個員工都有公司股份？！
至於做就唔好怨，怨就唔好做呢樣野，
講就易。
就算唔無工返咁搵工可以隨時interview，我舊年都仲要搵３個月至搵到，
而家返住工真係唔知點搵工。
請Annual又要七日前申請…
放工又七點至放，
即係得返９點半前同埋午飯時間既１個鐘。
唔止啦
星期六上午
岩岩肚痛
又撞正老細搵我開會
(都唔知有乜人傾! 開 job 了 1 個小時就問整成點!)
聽講黑面了
媽咪教落，做人唔怕蝕底D。
不過以家有D老細係會過份到，佢地忘記左你係做緊"人"唔係"機器"。。。。
Post a Comment